Shkolla “Pashko Vasa” ne “dite te hallit”, drejtori jep alarmin, Bashkia Shkoder hesht

Vetëm 2 javë nga fillimi i vitit të ri shkollor, në shumë qarqe të vendi infrastruktura e shkollave le për të dëshiruar. E tillë është edhe shkolla 9- vjeçare, ‘Pashko Vasa’ në Shkodër. Drejtori i shkolles 9- vjeçare “Pashko Vasa” Dritan Gega thotë se godina e shkollës pikon, ndërsa myku vështireson mësimdhënien, pasi disa  nxënës  vuajnë nga astma dhe kjo u vështirëson frymarrjen.
“Catia e institucionit fut lagështirën, është vjeshtë, është shi . Në katin e  tretë nuk mund të zhvillohet mësimi. Në katin e  dytë dhe të parë  dhe fasada ka rënë suvaja. Ka myk, ka lagështirë, prej 8 vitesh nuk është ofruar shërbim” shprehet Gega.
Gega thotë se ka dërguar disa shkresa drejt Bashkisë Shkodër dhe Këshillit Bashkiak por asgjë nuk është bërë, madje as dizenfektimi i shkollës.
“Kam folur, i jam drejtuar Pushtetit Vendor institucionit përgjegjës për mirëmbajtjen e institucionit nuk kam marrë përgjigje, i jam drejtuar vetë Kryetares, Këshillit Bashkiak asnjë përgjigje dhe sot është kjo gjendje” shton Gega.
Janë rreth 300 nxenës të cilët do të detyrohen të marrin dije në një ambjent të amortizuar, dhe mes lageshtirës. /balkanweb/