Deputetja dhe kryetarja e PS-së në Tiranë, Blerian Gjylamenti ka hedhur poshtë zërat se ajo kishte bërë sherr me kryeministrin Rama gjatë Kongresit të PS dhe se kishte dhënë edhe dorëheqjen. E ftuar në rubrikën “Opinin” në News24, Gjylameti u shpreh se këto janë spekulime, ndërsa shton se ajo vijon të jetë në detyrë.
“Unë jam në detyrë. Të gjitha të tjerat janë spekulime të ditës. Do të flisja për ato çfarë arritëm në atë Kongres dhe jo për këto. Kemi një projekt të madh për të çuar përpara. Unë vazhdoj të punoj për projektin “Shqipëria që duam” më shumë se sa të dëgjoj çfarë thotë një individ apo një tjetër”.
E pyetur për marrëdhëniet me kryebashkiakun Veliaj, i cili do të jetë sërish kandidat i PS-së për zgjedhjet vendore, Gjylameti tha se me të ka bashkëpunim të mirë me fokus tek njerëzit.
