Djali i ish-kryeministrit Sali Berisha, Shkëlzen Berisha ka reaguar pas seancës së sotme në Kuvendin e Shqipërisë, ku përkujtohej vrasja e grupit të deputetëve opozitarë, 70 vite më parë nga regjimi i Enver Hoxhës.
Përmes një postimi në rrjetin social “Facebook”, ai flet për dikë me pseudonimin “cigarja”, që sipas tij ka organizuar këtë përkujtimore, ndërsa dikur ka qenë në shërbim të regjimit.
““Cigarja” organizon perkujtimoren e deputeteve te pushkatuar nga diktatura”, shkruan Shkëlzen Berisha.
Seanca e sotme u pasua nga jo pak reagime. Kryeministri Rama në fjalën e tij, u ndal tek nisma për hapjen e dosjeve, por pas kësaj ka reaguar kreu i PD-së Lulzim basha, i cili hodhi akuza të forta për vendosjen e Gramoz Ruçit në krye të Kuvendit.
