RAMA 2/ Perfundon takimi informal ne Velipoje, asnje informacion si ne Llogara

Kryeministri Edi Rama ka përfunduar mbledhjen e tij të dytë me ministrat e rinj të qeverisë në Velipojë. Ky ishte takimi i dytë informal dyditor i kreut të qeverisë me ministrat pas takimit të parë në Llogara. Qeveria “Rama 2” u mblodh sërish dje në orën 11:00 në një takim 2-ditor informal për të vendosur piketat e drejtimit të vendit për 4 vitet e ardhshme.

Pas takimit në Vlorë, ashtu si katër vite më parë, Rama zgjodhi sërish Qarkun e Shkodrës, për takimin e dytë. Takimi i Ramës me ministrat e rinj, përfshi edhe Gramoz Ruçin, e Taulant Ballën u mbajt në ambientet e kompleksit “Fishta” në Velipojë.

Takimi i ditës së parë, zgjati deri në orën 22:00 të mbrëmjes së të mërkurës, ndërsa deri më tani, askush prej anëtarëve të rinj të kabinetit dhe as vetë kryeministri nuk kanë dhënë detaje për mbledhjen.