Deputeti i Partisë Socialiste për Tiranën, Besnik Bare, do të drejtojë seancën e parë parlamentare për këtë sesion plenar. Burime për “BalkanWeb” tregojnë se ish-kryeministri Sali Berisha ka refuzuar të drejtojë seancën e së shtunës. Raportohet se ftesën për të drejtuar seancën e parë parlamentare për këtë sesion plenar e kanë marrë edhe Tritan Shehu dhe Halim Kosova, si deputetët më të vjetër në Kuvend, pas Berishës, por mësohet se edhe këta të dy kanë refuzuar. Në seancën e parë plenare pritet të votohet Gramoz Ruçi në postin e kryetarit të Kuvendit, por kujtojmë se lidhur me këtë kandidaturë ka patur mjaft debate nga partitë e dala në opozitë pas zgjedhjeve të 25 qershorit. Po të shtunën do të bëhet edhe betimi i deputetëve të rinj të Kuvendit të Shqipërisë. /balkanweb/
