Zhvillimi i zgjedhjeve ne Akademine Shkencave ka ngjallur reagimin e Artan Fuges. Me nje status ne Facebook Fuga shprehet: “Ndalja e farsës zgjedhore sot në Akademinë e Shkencave, mund të jetë fillimi i reformimit të saj! E kundërta është shkatërrim i saj dhe dëm i pallogaritshëm ndaj shqiptarëve! Ndaloni zgjedhjet farsë!”. Menjehere ka ardhur reagimi i kryeministrit Edi Rama, i cili mesa duket eshte rreshtuar ne krah te Fuges, madje duke u shprehur qarte e ashper ne Facebook: ” “Nëse nuk reformohet Akademia e Shkencave nuk do marrë më asnjë qindarkë nga buxheti e do të duhet të dorëzojë godinën! Prandaj #StopFarsës”.
Ne debatin e hapur eshte perfshire edhe ish- kreu i LSI-se Petrit Vasili, edhe ai permes Facebook, ku me nje status shprehet: “Shkollëpakti flet për godinën e Akademisë së Shkencave
Akademia e Shkencave ka nevojë të transformojë rrënjësisht raportin e saj me shoqërinë dhe vendin. Edhe menaxhimi i saj i brendshëm duhet të ndryshojë.
Akademia dhe akademikët duhet të jenë pjesë e vyer e debatit publik multivalencial, por ata i kanë munguar këtij debati, ndaj edhe ai është shpesh shumë i varfër dhe domen i profanëve të paskrupuj.
Raporti i akademisë me shkencëtarët e rinj të talentuar, që formohen në Shqipëri dhe jashtë saj dhe me kërkimin shkencor në tërësi, është i ngurtë dhe joinspirues.
Këto janë çështje madhore, që duan përgjigje, e që edhe ne i duam këto përgjigje.
Një tjetër Akademi Shkencash i duhet vendit. Zgjedhjet brenda saj, që riciklojnë problemet e vjetra dhe nuk na i japin këto përgjigje, përse duhen?
Nga i gjithë ky debat i madh konceptual dhe parimor kryeministri ynë shkollëpak ka kuptuar vetëm që duhet t’i rrëmbejë godinën dhe të mos i japë më ca lekurina Akademisë.
Aq di, kot t’i kërkojmë më shumë atij.”
Per zgjedhjet ne Akademine e Shkencave marrin pjesë në votim 29 akademike. Dy anëtarë të Akademisë së Shkencave, Aferdita Vevecka dhe Ylli Popa janë ndarë nga jeta. Ndërkohë, Artan Fuga nuk ka pranuar ftesën e ASH dhe për rrjedhojë nuk do të votojë. Ai i ka cilësuar zgjedhjet farsë dhe jo një proces që synon reformimin e Akademisë së Shkencave. /ShkodraWeb/
