
Largimi i Panuçit nga Kombëtarja shqiptare ka bërë bujë edhe në mediat italiane. Sipas asaj që thuhet në artikullin e “Corriere dello Sport” zbulon se përveç rezultateve negative, një nga motivet e shkarkimit të tij ishte dhe lënia jashtë e Strakoshës për shkak se nuk mbërriti në orarin e duhur në grumbullim.
E përditshmja italiane vijon dhe më tej duke cituar se FSHF-ja ka zgjedhur Edi Reja si trajnerin e ardhshme për të drejtuar Shqipërinë. “Corriere dello Sport” shprehet se edhe kryministri i Shqipërisë ka provuar të bind trajnerin italian për të marrë drejtimin e Kombëtares si dhe Igli Tare që ka një raport të mirë me ish-trajnerin e Napolit.
Reja do të jetë trajneri i 4-të që drejton Kombëtaren shqiptare pas Beppe Dossena, De Biasi, dhe Panuçi. Mungon vetëm zyrtarimi thuhet në përfundim të artikullit të gazetës italiane.
Për bashkëpunime, publikime reklamash, njoftimesh në ShkodraWeb, mund të shkruani në SMS, Whatsapp, Viber +355 67 300 20 70 ose mail: info@shkodraweb.com në çdo kohë!