
PDIU ka bere thirrje publike per “hakmarrje” ndaj Greqise. Pasi autoritetet greke disa dite me pare publikuan nje liste te shqiptareve qe u hiqet shtetesia greke, PDIU e Idrizit, permes nje deklarate per mediat i ben thirrje qeverise Rama te heqe shtetesine shqiptare per greket ne Himare. Ne deklarate thuhet: “Thirrjet e përfaqësuesve të PBDNJ dhe Omonias ndaj dy shteteve të huaja të bëra në Himarë për pengimin e procesit integrues së Shqipërisë janë vepër e dënueshme penale.
Prania e përfaqësuesve të ambasadës greke dhe të deputetit patericë që nuk mori asnjë votë as në Himarë e as në minoritet e bën edhe më të turpshëm këtë akt.
PDIU i bën thirrje Prokurorisë për këtë akt skandaloz që ndodh ditën me diell në zemër të Shipërisë.
Himara ia ka dhënë qartë përgjigjen grekomanëve gjatë gjithë historisë, sikurse edhe sot me votë, se është pjesë e pandashme e shqiptarisë.
Ka ardhur çasti, që qeveria shqiptare, të zbatojë reciprocitetin dhe të heqë shtetësinë shqiptare për çdo person me dyshtetësi që vepron kundër dobisë kombëtare shqiptare, siç Athina ka bërë këto kohë me shume patriotë shqiptarë!”. /ShkodraWeb/