“Pasioni dhe profesionalizmi i tij do të mbeten një vlerë e çmuar”, prefektja e Shkodrës Angoni vlerësim për Vildan Tufin

Edhe prefektja e Qarkut Shkodër, Majlinda Angoni, ka reaguar pas lajmit për ndarjen nga jeta të Profesor Vildan Tufit. Me një postim në faqen e saj zyrtare në Facebook, Angoni shprehet:

“I trishtë lajmi për vdekjen e legjendës së atletikës së Shqipërisë ” Mjeshtër i Madh”, Vildan Tufi.

Prof.Vilin do të kujtojmë si një njeri i madh, një jetë shkrirë në sport, besnik i pasionit të tij deri në frymën e fundit, fitues i të gjithë betejave, frymëzim për shumë breza sportistësh të Shqipërisë dhe ikonë e atletikës.

Pasioni dhe profesionalizmi i tij do të mbeten një vlerë e çmuar për brezat e ardhshëm në sportin e atletikës.

Sot sportistët e Vllaznisë dhe të gjithë Shqipërisë janë në zi. Ngushëllime të sinqerta familjes Tufi dhe gjithë të afërmve dhe miqve të tij.

Ngushëllime Shkodër!”. /ShkodraWeb Media/