Klubi i Vllaznisë ka filluar punën konkrete jo vetëm në fushën e lojës, por edhe në zyra. Drejtuesit e skuadrës kanë nisur të firmosin kontratat me futbollistët që do të përballojnë sezonin e ardhshëm, duke rinovuar si fillim me ata lojtarë të cilët ishin pa kontratë. Pas sulmuesit Arlind Kalaja që hapi dje serinë e firmave, sot ka nënshkruar një tjetër titullar i kuqebluve, mesfushori Alsid Tafili. Futbollisti kishte përfunduar kontratën në qershor por kishte akordin parimor për të vazhduar qëndrimin në klub, ndaj ka dalë prej ditësh në stërvitje nën urdhërat e Cungut. Sot ai ka qenë në ambientet e klubit për të firmosur kontratën e tij deri në mbyllje të sezonin 2017-2018 duke zgjatur bashkëpunimin, ndërsa pritet që në ditët në vijim edhe disa lojtarë të tjerë të ndjekin të njëjtin shembull./panorama sport/
