De Biasi pas Kombetares kuqezi do te drejtoje nje tjeter perfaqesuese…

Gianni De Biasi ka mendjen nga Azia dhe shumë shpejt mund të zgjedhë drejtimin e një kombëtareje që me shumë mundësi do të jetë Japonia. Ish-trajneri i Kombëtares shqiptare, Giovanni De Biasi, po kalon pushime të qeta në dukje, por në fakt ka filluar të kristalizojë destinacionin e tij të ri.

Pas eksperiencave në nivel klubesh në Itali dhe Spanjë, si dhe përfaqësuese në Shqipëri, tekniku italian i ka hedhur sytë drejt kontinentit aziatik. “Ende nuk e kam të kristalizuar se kë do të zgjedh Kinën apo Japoninë, pasi kam disa kontakte, por personalisht do të preferoja Japoninë, edhe pse si vend më duket tepër strikt e ftohtë në mënyrën e jetës në përgjithësi”, – tha ekskluzivisht për VIP Sport italo-shqiptari 60-vjeçar, gjatë një lidhje telefonike nga Italia. “Janë komplet ndryshe nga Italia dhe Shqipëria. Gjithsesi, brenda disa javësh do të vendos se ku do të shkoj”, përfundoi De Biasi.