Kjo ishte hyrja e Shkodrës sot në drekë, dhe kjo situatë është e përditshme sepse kaloj çdo kohë dreke andej! Si Kabul, Kandahar nuk di si t’a përshkruaj Shkodrën në këto ditë festash!
E njëjta situatë përsëritet çdo dimër dhe verë në kohën e ardhjes së emigrantëve! Policia mobilizohet e tëra ne qytet për të vënë sa më shume gjoba që të plotësojnë kuotat ditore e të mbushet arka, ndërsa për hyrjen e Shkodrës ‘dreqi e marrtë, ala nuk asht ba’ grumbull’?!
Qeveria e investimeve ku është që nuk bën një zgjidhje për të investuar në hyrjen e Shkodrës që mos përsëritet kjo situatë e përvitshme në së paku 2 stinë të vitit?
Deputetë të Shkodrës, në parlament ju kemi çuar të përfaqësoni e të përçoni problematikat e votuesve Tuaj. Kur nuk jeni të zotët t’i dilni përzot Shkodrës, me falni po për çfarë ju paguajmë?
Shkodra është lënë pas dore dhe fajin kryesor e keni Ju, përfaqësues të Shkodrës sepse jeni inekzistent në kërkesën e llogarisë dhe vetëm duket se nxehni karriget e kuvendit! Loboni për Shkodrën e mos iu ndani zyrës së kryeministrit derisa të arrini qëllimet Tuaja. Të majtë e të djathtë keni faj për situatën e mjeruar të qytetit e Qarkut!
Me vullnet të mirë dhe me këmbëngulje gjithcka realizohet! Mjafton me dashtë me ba’ diçka… Atëherë ikin njerëzit…Po sigurisht që do ikin se nuk mund të vdesin në një qytet të vdekur!
Çdo proçes zgjedhor, numri i votuesve është më i ulët se zgjedhjet e mëparshme, edhe ata që janë këtu nuk votojnë se janë te zhgënjyer, ndjehen të shfrytëzuar vetëm për fotot e videot e fushatave Tuaja! Kanë humbu besimin e shpresën se Shkodra është çdo vit e më përfund!
Turp e marre’ si ka përfundu Shkodra, a thua ju skuqet faqja ndopak nga ajo që i bani Shkodrës me indiferencën Tuaj? Dhe prapë doni vota… Investoni që të fitoni, nuk fitohet karrigia qyl…Ka ikë koha kur populli ishte budalla, tashme thika I ka shku në asht e nuk rrehet ma’! /Nga Eliona KODRA SHKRELI, publikuar në Facebook/
Të nderuar lexues dhe vizitorë të portalit tonë! Reklamat që shfaqen, mundësojnë që ShkodraWeb të vazhdojë të jetë e lirë dhe e pandikuar në përcjelljen e të vertetës. Faleminderit nëse i klikoni!
