Vllaznia do të luajë ditën e shtunë sfidën e javës së 28-të të Superligës. Skuadra shkodrane pret në shtëpi Laçin dhe pas disa rezultateve negative kërkojnë me çdo kusht rikthimin te fitoret.
Për këtë takim, Vllaznia kërkon mbështetjen e tifozëve pasi në sfidat e fundit, interesi ka qenë i vogël dhe ditën e sotme klubi ka bërë ditur çmimet e biletave.
Në tribunën C një biletë kushton 200 lekë, në tribunat D1, D2, D3, D4, një biletë kushton 500 lekë, në tribunat A dhe B, bileta kushton 1000 lekë, ndërsa në tribunën Vip, bileta kushton 1500 lekë.
Shitja e biletave për sfidën ndaj Laçit do të nisë nga dita e nesërme dhe do të blihen në bileratinë e stadiumit “Loro Boriçi”.
NJOFTIM
Duke filluar nga sot nis shitja online e biletave të ndeshjes Vllaznia- Laçi e cila luhet ditën e shtunë në orën 16.45 në stadiumin “Loro Boriçi”. Biletat mund t’i blini duke klikuar në linkun e mëposhtëm:
http://bileta.fshf.org/
Ndërkohë nga nesër nis shitja në sportelet pranë stadiumit.
Eja edhe TI!
Forca Vllaznia!
