NEWS I ShkodraWeb.com

ShkodraWeb Media – E Verteta të bën të lirë!

NGJARJE HORROR/ Vret motren, e ndan ne copa dhe e hedh ne koshin e mbeturinave

Një krim makabër ka tronditur Romën dhe mbarë Italinë, ku një 62-vjeçar dyshohet se në marrëzi e sipër ka vrarë e më pas ka bërë copa-copa motrën e tij. Ngjarja e rëndë në rrugën ‘Guido Reni’, në Flaminio të Romës. Mediat italiane raportojnë se të dy motër e vëlla jetonin sëbashku në një apartament, ndërsa nga të dhënat e para dyshohet se krimi ka ndodhur për probleme ekonomike.
Maurizio Diotallevi, pas disa orësh marrje në pyetje nga oficerët e krimi pranoi se kishte vrarë motrën, Nicolletën, 58 vjeçe, dhe më pas e kishte ndarë trupin e në disa copa e më pas e kishte hedhur me kuti në tre kosha me mbeturina. Provat që kanë ‘fundosur’ 62-vjeçarin ka qenë edhe një kamerat e sigurisë që e kanë kapur atë gjatë natës së 14 dhe15 gushtit teksa hidhte një kuti në koshin e mbeturinave. Ndërkohë, dy kutitë e tjera u gjetën në lagje të ndryshme, ku ishte trupi dhe sendet e saj personale dhe rrobat.
“Tgcom” shkruan se fqinjët janë shokuar nga ngjarja e rëndë, ndërsa shprehen se nuk kishin dëgjuar asnjëherë që të ziheshin të dy motër e vëlla. “Nuk kanë pasur asnjëherë grindje. Nicoletta dhe Maurizio i njihnim mirë dhe unë kurrë nuk do ta kisha menduar këtë.”, rrëfehu fqinja. Sakaq, policia po heton lidhur me zbardhjen e plotë të shkaqeve të krimit makabër.

 

Copyright © ShkodraWeb Media ׀׀ Të gjitha materialet tona mund të riprodhohen/rishpërndahen lirisht nga mediat e tjera por duke përmendur burimin se nga është marrë informacioni.
ShkodraWeb Media
ShkodraWeb Media