Ne pranga 27-vjecari, perdorte eksploziv per gjueti

Një 27- vjeçar është arrestuar nga policia e Durrësit pasi dyshohet se përdor eksploziv dinamit për gjueti të paligjshme në det. Ai vepronte veçanërisht tek Kepi i Rodonit.  Policia e qytetit bregdetar bën me dije se denoncimi është bërë nga një qytetar në Portalin e Komisariatit Dixhital. 27-vjeçari i arrestuar është banues në fshatin Shetaj në Durrës.
Në vijim të veprimeve hetimore të kryera, gjatë kontrollit të ushtruar në banesën e shtetasit të mësipërm u gjet dhe sekuestrua në cilësinë e provës materiale një armë zjarri automatik tip kallashnikov , të cilën e mbante pa leje.

Gjithashtu i’u sekuestrua edhe një mjet lundrues, varkë, pa Çertifikatën e përdorimit të mjetit lundrues nga Policia Kufitare dhe dokumentacion të rregullt.


Materialet i kaluan Prokurorisë së Rrethit Gjyqësor Durrës për veprime të mëtejshme për veprën penale” Prodhimi dhe mbajtja pa leje e armëve luftarake dhe e municionit” parashikuar në nenin 278 të Kodit Penal dhe neneve 23 dhe 29, pika 1 I ligjit 8663 dt.18.09.2000″ Zhvendosja ose përdorimi I mjetit pa autorizim”./shqiptarja/