Futbollisti i Kombëtares shqiptare, Eros Grezda, ka marrë një lajm aspak të mirë ditën e sotme, por jashtë fushës së blertë. Grezda, që prej fundit të muajit gusht, jeton në Skoci, pasi nënshkroi me klubin e Rejnxhërsit. Në 21 dhjetor, ai është kapur duke kaluar me semafor të kuq, dhe këtë muaj, ka dalë para gjykatës në Glasgou, për të marrë dënimin e tij.
Në gjykatë, 24-vjeçari është paraqitur vetë gjatë seancës, dhe u shpall fajtor. Grezda u dënua me 350 paund gjobë, ndërsa iu hoqën 12 pikë nga patenta, dhe gjashtu muaj do ta ketë të pezulluar, deri në fundin e tetorit.
