Profesori që u ka mësuar studentëve shqiptarë letërsinë angleze, Prof. Dr. Refik Kadija, është ndarë nga jeta në moshën 81-vjeçare.
Profesor Kadija ka qenë një ndër themeluesit e Departamentit të Anglishtes në Universitetin e Tiranës, si dhe dekan i Fakultetit te Gjuheve te Huaja në Universitetin e Shkodres.
Refik Kadija ka lindur në Shkodër në vitin 1941. Gjatë karrierës së tij pedagogjike, akademike dhe shkencore ai është marrë jo vetëm me mësimdhënie, por ka shkruar libra, monografi, punime shkencore dhe profesionale, ka përkthyer disa vepra të letërsisë angleze, si dhe ka marrë pjesë në një mori kongresesh dhe konferencash shkencore jashtë vendit.
I shprehim ngushëllime të sinqerta familjes së profesorit! Pusho në paqe, profesor i nderuar! /Publikuar në faqen zyrtare të Universitetit “Luigj Gurakuqi” në Facebook/
