Ditën e sotme është ndarë nga jeta Leonard Gjata, regjisor i njohur i RTSH- së. Ai vuante prej shumë vitesh nga një sëmundje e rëndë, fakt që e pohon edhe vetë vajza e tij, moderatorja e njohur Inida Gjata Kreuz.
“Miq e familjarë të dashur, sot u nda nga jeta babai im, Leonard Gjata. Pas nje torture tetë vjeçare, i paralizuar dhe peng i iktuseve që e godisnin njëri pas tjetrit, pas një kome 11 ditore që ia mbante shpirtin pezull, i intubuar dhe nën kujdesin e mrekullueshëm të stafit mjekësor të repartit reanimator në spitalin ushtarak, ai më në fund gjeti paqe. Ne do të jemi që sot pas orës 17.00 në shtëpinë funerale „Alba 2000“, tek Medreseja dhe nesër në 12.00 prej atje bëhet varrimi. E mirëkuptojmë dhe mungesën tuaj meqë dhe Covidi vazhdon e kërcënon. Paqe, shëndet dhe dashuri urojmë për të gjithë.”, shkruan vajza e tij Inida.
Mesazhe ngushëllimi në rrjetet sociale kanë përcjellë edhe ish- kolegë apo miq të regjisorit Leonard Gjata.
Gjergj Rita, regjisor: Leonard Gjata shoku dhe miku im i shtrenjte i rinise!
Nuk eshte e lehte ti japesh lamtumiren kolegut dhe regjisorit qe me talentin, devotshmerine dhe egzigjence ne profesion, la gjurme ne historine RTVSH-se. Ne çdo krijim, spektakel e zhanre te ndryshme televizive, qe Leonard
Gjata firmosi, ishin te nivelit absolutisht te larte dhe motivues per ne koleget. Gjithmone mesova prej teje ne rini, jete dhe televizion.
Do me mungosh mik.
R.I.P Leonard Gjata. 🙏