Një nga afrimet e Vllaznisë në këtë merkato është edhe Mevlan Adili. Ai luajti në mbrojtje në sfidën ndaj Laçit dhe padyshim ishte një pikë mjaft e fortë, duke treguar se drejtuesit shkodranë, që kanë ditur të bëjnë zgjedhjen e duhur në repartin e prapavijës.
“Ekipi luajti mjaft mirë. Djemtë i përgëzoj të gjithë për lojën. Na duhej fitorja, por duke ditur kundërshtarin që kishim përballë duhet thënë se edhe pika na shërben shumë për vijmësinë e garës”.
“Laçi kishte një ekip të mirë. E di se si është Nuabueze, sepse e njoh nga aktivizimi te Pobeda. Është lojtar i fortë, por e markuam mirë gjatë gjithë ndeshjes. Ne kemi ekip shumë të mirë, duhet që të shohim përpara dhe të ngjitemi në renditje”, – tha Mevlan Adili, një nga titullarët e skuadrës së Vllaznisë.