MINUTA E FUNDIT – SPAK jep pretencën për ish- drejtorin e përgjithshëm të RTSH- së, ja sa vite burg kërkohen për Thoma Gëllçin

Prokuroria e Posaçme Kundër Krimit të Organizuar dhe Korrupsionit- SPAK ka dhënë pretencën dhe kërkon 1 vit e 8 muaj burg për ish-drejtorin e RTSH-së, Thoma Gëllçin.

SPAK kërkon gjithashtu nga gjykata dënimin me nga 1 vit burg për Alban Malavecin, Julian Tapinë dhe Ervin Murrajn.


Gëllçi u arrestua me urdhër të SPAK në tetor të vitit të kaluar, bashkë me tre punonjës të tjerë të Radio Televizionit Shqiptar.

Sipas SPAK Gëllçi dyshohet se ka kryer shkelje ligjore në një procedurë prokurimi, shkelje këto të kualifikuara në elementët e veprës penale “Shpërdorimi i detyrës”. Bëhet fjalë për procedurën e prokurimit me objekt “Blerje pajisje për kanalin RTSH Agro”, me fond limit afro 87 milionë lekë të zhvilluar në datën 9 nëntor të vitit 2018.