Ndërsa Vllaznia thuajse ka realizuar objektivin e ringjitjes në Superligë, një skandal është verifikuar gjatë një seance stërvitore të ekipit. Mësohet se seanca stërvitore as nuk ka nisur dhe shkak ka qenë imponimi i fortë ndaj trajnerit të sapoemëruar Agim Canaj, drejtorit teknik Engin Firat dhe administratorit Suad Lici për përfshirje në formacion dhe grumbullim për ndeshjen e rradhës të ekipit të parë të lojtarëve.
Burime pranë klubit kuqeblu bëjnë me dije se presionet kanë qenë të pranishme që në ditën e parë të punës së trajnerit Canaj që pasoi Hasan Likën në krye të Vllaznisë. Deri në këto momente, nuk ka një reagim zyrtar nga KF Vllaznia sh.a., por mësohet se situata është tejet e rëndë dhe presionet janë të vazhdueshme ndaj stafit teknik të kuqebluve. Edhe më herët, kur ekipi drejtohej nga Lika, ka patur zëra për presion ndaj stafit teknik e drejtues të Vllaznisë, por vetëm sot kanë dalë në spërfaqe me pezullimin e stervitjes.
Situata e krijuar vjen në një moment që mund të hedhë në erë të gjithë atë që është arritur me shumë mund e sakrifica, sidomos në kuadër të ringjitjes në Supërligë dhe përgatitjeve për sezonin e ri. Po i bëhet një dëm i madh jo vetëm klubit, ngjyrave kuqeblu por veçanërisht tifozëve që presin një Vllazni kompetitive të ndërtuar mbi bazëne vlerave, e vetmja rrugë për të synuar trofe dhe Kupat e Europës sezonin e ri. /ShkodraWeb/
