Një termet ka shkundur disa vende të Ballkanit, mes të cilave edhe Shqipërinë para pak minutave. Lëkundjet janë ndjerë në shumë qytete, mes të cilave edhe në Shkodër. Ka patur dy lëkundje njëra pas tjetrës, ndërsa kanë zgjatur për disa sekonda. Lëkundjen në vendin tonë janë ndjerë deri në 4.5 ballë të shkallës Rihter.
Po ashtu mësohet se lëkundjet e termetit jane ndjere edhe ne Tiranë, Durrës, Berat. Lezhë dhe Vlorë.
Raportohet se epiqendra ka qene ne Sarajeve me magnitude 5.7 balle. Sipas Qendrës Sizmologjike, lëkundjet janë ndjerë në Kroaci, Bosnje dhe Hercegovinë, Maqedoninë e Veriut, Shqipëri, Serbi dhe Kosovë.
Ministri i Mbrojtjes, Niko Peleshi ka reaguar në lidhje me tërmetin e fortë që ra në Bosnje, por që u ndje edhe në Shqipëri.
“Të dhënat paraprake nga IGJEUM, konfirmojnë një tërmet të fortë me epiqendër 10 km në Jug- Perëndim të qytetit Monstar, Bosnje Hercegovinë, me Magnitudë 5.7, Thellësia 10 km, 202 km nga Tirana.
Ky tërmet është ndjerë pothuajse në të gjithë vendin por deri në këtë moment nuk raportohet për të lënduar apo dëme. Ndërkohë të gjitha strukturat e mbrojtjes civile janë në monitorim të situatës në të gjithë vendin”, shkruan Peleshi.
