Një lokal bujtinë është shkrumbuar plotësisht mbrëmjen e kësaj të premte në fshatin Reç të Bashkisë Malësi e Madhe. Biznesi Agro-Turizëm ishte hapur vitet e fundit, por fatkeqësisht i gjithë investimi u shkatërrua nga flakët e zjarrit.
Mësohet se zjarri ka djegur totalisht pjesën e lokalit, ndërkohë që zjarrëfikëset bënë të mundur shpëtimin e pjesës së hotelit nga flakët. Forcat e zjarrëfikësve dhe të policisë ndodhen në vendngjarje për të mësuar rreth shkaqeve të zjarrit.
Malësi e Madhe/Informacion paraprak
Rreth orës 20:20, jemi njoftuar në sallën operative nga shtetasi Xh. M., se në lokalin e tij të quajtur “Bujtina” në fshatin Reç, Bashkia Malësi e Madhe, ka rënë zjarr.
Paraprakisht dyshohet se shkaku ka qenë një shkëndijë elektrike.
Grupi hetimor vijon punën për sqarimin e rrethanave të ngjarjes.