“Shkodra, Rozafa e Lirisë”, ish- kryeministri Sali Berisha kujton “14 janarin”: Hapi siparin e një seri ngjarjesh të mëdha

Grupet antikomuniste, qytetarët dhe studentët e Shkodrës, inauguruan Vitin e Ri 1990 në Shqiperi me një betejë të ashpër me diktaturën komuniste, demostratat e fuqishme të datave 13- 14 Janar 1990, për rrëzimin e bustit të diktatorit komunist, Josif Stalin.

Me datë 13 dhe veçanërisht me datë 14 Janar të vitit 1990, mijëra qytetarë të Shkodres iu përgjigjen thirrjes së grupeve antikomuniste, mbushën dhe dolën në një demonstratë të fuqishme për të çliruar qytetin e tyre nga kulti i njërit prej diktatorëve me gjaksorë të kohërave, Josif Stalin dhe për të hequr bustin e tij nga qendra e qytetit.


Diktatura staliniste e Ramiz Alise përdori kundër demostruesve ushtrinë dhe mjetet e saj, sigurimin e shtetit dhe policinë e batalionin famkëq të sambistëve për të shtypur demonstratën e parë antikomuniste.

Rregjimi diktatorial e shtypi me egërsi dhe brutalitet me të gjitha mjetet e dhunës demostratën e 14 Janarit dhe arrestoi, torturoi dhe dënoi me dënime të rënda për veprimtari antishtetërore terroriste organizatorët e saj Ded Kasnecin, Rin Monajkën, Flamur Elbasanin, Gjergj Livadhin, Ndoc Liqejzën, vëllezërit Haxhi, Gjovalin Ralba, Viktor Martini, Nikolin Thana, Tonin Dema, Nikolin Margjini, Baç Bilali, Ylli Gërshana, Klaudio Daka, Aldo Perizi, vëllezërit Alibali, Hana Kraja etj.

Por jehona e saj brenda dhe jashtë vendi ishte e madhe dhe hapi siparin e një seri ngjarjesh të medha të vitit 1990, që do kurorëzoheshin me vendosjen e pluralizmit politik në Shqipëri me Lëvizjen Studentore të Dhjetorit të vitit 1990.

Sot, ne kete 32 vjetor, le të shprehim ne të dashur miq nderimin dhe mirënjohjen tonë më të thellë për qytetarët pjesëmarrës dhe organizatorët e demostratës së 14 Janarit 1990 të Shkodrës, Rozafës së Lirisë. Rrofte Shkodra! /Publikuar në Facebook nga Sali BERISHA/