![](https://www.shkodraweb.com/wp-content/uploads/2023/10/sali-berisha-abi-malltezi-2023-1024x536.jpg?x28643)
Ndalohet në Rinas Jamarbër Malltezi, dhëndrri i ish- kryeministrit Sali Berisha. Mësohet se Malltezi ishte duke pritur bashkëshorten e tij e cila ishte duke u kthyer nga një vend i Bashkimit Europian, kur është ndaluar në ambientet e aeroportit të Rinasit nga autoritetet që i komunikuan akuzat.
Bëhet me dijes se urdhri për ndalimin e dhëndrit të ish-kryeministrit Sali Berisha është firmosur nga prokurori i posaçëm Arben Kraja. Ndërkohë, para pak minutave, Berisha ka njoftuar një konferencë jo të zakonshme për shtyp, sidomos për orarin e saj.
Në orën 21.00, edhe sipas zyrës së shtypit të PD- së së Rithemelimit, Berisha do të jetë para mediave, por pa dhënë specifikime lidhur me çeshtjen që do të trajtojë. Me gjasë, ka lidhje pikërisht me ndalimin e dhëndrrit të tij në Rinas.
Ende nuk dihet arsyeja e ndalimit të tij, ndërsa detaje të reja pritet të dalin në vijim. Më herët Malltezi është kallëzuar në SPAK për privatizimin e ish-ambienteve të kompleksit të klubit sportiv “Partizani”.