Joao Mario është në kontratë me Interin por në çdo prononcim futbollisti portugez mohon mundësinë që sezonin e ardhshëm të mbajë veshur fanellën ziklatër. Edhe pse u ble për një shifër të konsiderueshme ai kurrë nuk arriti t’i përmbushte pritshmëritë, ndaj edhe nga janari luajti si i huazuar te West Ham. Momentalisht ai është i grumbulluar me Portugalinë në Botëror dhe ka përfituar nga rasti të këshillojë shokët që të mos shkojnë në “Seria A”.
Joao Mario më së shumti iu drejtuar disa futbollistëve të Sportingut, të cilët kanë bërë kërkesë zyrtare për prishjen e kontratës me klubin portugez, pas sulmit të tifozëve në fund që sezonit.
“Nuk duhet të shkojnë në Itali. Disa prej tyre janë totalisht të përqendruar te ndeshja kundër Spanjës. Kupa e Botës është kryesorja për ta. Është e rëndësishme për të gjithë ne, por këshilla ime është që të mos zgjedhin Serie A,” – deklaroi 25-vjeçari./balkanweb/