Ish-konkurrentja e Big Brother VIP, Tea Trifoni, është shprehur se është kërcënuar me jetë nga Kiara Tito dhe një i afërm i saj, që sipas Teas, mund të ketë qenë burri i tezes.
Komentet Tea i bëri gjatë një interviste për emisionin “Më lër të flas” në TCH, ku tha se ajo ishte ndaluar sapo kishte kaluar pranë ambienteve të televizionit dhe ishte kërcënuar me jetë.
Por ajo që e bën edhe më të bujshme këtë ngjarje, është fakti që sipas Teas, i afërmi i Kiarës që e ka kërcënuar, është punonjës në ministri.
“Te dera e Topit më kanë kërcënuar. Gjithë produksioni i BBV është në dijeni për këtë. Kiara me burrin e tezes së saj, a familjarin a ça ishte, më tha do të marr zvarr, do të të vras je kështu je ashtu, është punonjës ministrie ai tjetri, “Shqipëria që Duam”. Më thanë që është burri i tezes së saj. I thashë thjesht që hajde, por ai iku. Po aty kishte dëshmitar madje edhe Ronaldo edhe më tha të lutem mos fol. Njerëzit janë shumë ndryshe mbrapa skene, Kiara nuk thotë asgjë para kamerave, por kur fiken çfarë nuk thotë, shan etj. Kam folur me prduksionin, me Kiarën jo, ajo nuk u ftua në një prime prej kësaj gjëje. Më thanë bëje publike”, tha Tea.
