Shkruan në Facebook Benet Beci, kandidat për deputet i PS- së Shkodër: Së bashku me Jona Leqejza dhe Fitoren, bashkëshorten time, vizituam vullnetarët e Animals Need me, në qendrën që ata kanë ngritur për të strehuar qentë e rrugës.
U njoha nga afër me punën e palodhur dhe humane të këtij grupi, i cili prej vitesh bën vullnetarizëm për strehimin, sterilizimin, kurimin, por edhe mbrojtjen e të drejtave të kafshëve.
Unë e di shumë mirë se çfarë përkushtimi duhet për t’u kujdesur për këto kafshë besnike të njeriut pasi në familjen tonë kujdesemi prej vitesh. I përgëzoj vërtet për angazhimin dhe të gjitha përpjekjet e ju jap mbështetjen për çdo nismë që ata do të ndërmarrin në të ardhmen për t’u ardhur në ndihmë qenve të rrugës në Shkodër.
Nga ana tjetër mendoj se këto përpjekje duhen institucionalizuar në mënyrë që kujdesi ndaj kafshëve, por edhe shqetësimi qytetar për praninë e tyre kudo të kenë një zgjidhje përfundimtare dhe afatgjatë.
