Pak muaj më parë ishte e panjohur. Ndërsa pas zgjedhjes deputete në Qarkun e Dibrës në zgjedhjet e 25 qershorit, Reme Lala është shndërruar padyshim në personazh. Deputetja e PDIU-së i ka dhënë fund beqarisë një ditë më parë në vendlindjen e saj.
Në një ceremoni të madhe të mbajtur të dielën në Dibër, Reme Lala ka zyrtarizuar lidhjen e saj disa vjeçare. Mësohet se të ftuar kanë qenë rreth 1 mijë persona, ku përveç familjarëve dhe të afërmve nuk kanë munguar personalitete nga bota e politikës dhe medias.
Reme Lala, 22- vjeçe është studente e Financës, në Fakultetin Ekonomik, Universiteti i Tiranës. Në zgjedhjet e 25- qershorit ajo ia doli të merrte votat e duhura duke i dhënë PDIU-së një mandat në Dibër, dhe duke zënë një vend të rëndësishëm në Parlamentin e Shqipërisë. Ajo do të bëjë betimin në Kuvendin e Shqipërisë javën e parë të shtatorit, kur edhe nisë legjislatura e re parlamentare. /Class
Për bashkëpunime, publikime reklamash, njoftimesh në ShkodraWeb, mund të shkruani në SMS, Whatsapp, Viber +355 67 300 20 70 ose mail: info@shkodraweb.com në çdo kohë!
