“Lufta” për tu ngjitur në Kategorinë e Parë, gola pafund në ndeshjet e radhës, Veleçiku fiton 15- 0 në Kamzë…

Grupi A i Kategorisë së Dytë vazhdon të prodhojë rezultate befasuese në këtë fund sezoni. Nëse një javë më parë Luzi fitoi 15-1 ndaj Internacional Tiranës, ndjekësi i tij më i afër në këto momente, Veleçiku, ka bërë edhe më mirë.

Në duelin e sotëm të luajtur kundër Bulqizës në transfertë, Veleçiku ka fituar me shifrat 15-0, ku vetëm 3 gola u shënuan në pjesën e parë, ndërsa në të dytën portieri i vendasve nxori 12 herë sferën nga rrjeta. Tre nga këto gola erdhën pas minutës së 90.


Megjithatë, goleada nuk i ka mjaftuar Veleçikut për të kaluar Luzin, pasi ky i fundit fitoi 4-1 ndaj Adës. Gjithashtu, në hapin e ndjekësve të skuadrës së Luzit është edhe Oriku, i cili mundi 8-0 Gramshin. Edhe në këtë ndeshje, sfida u kthye goleadë në fund, me 5 gola të shënuar pas minutës së 90.

REZULTATET

ORIKU-GRAMSHI 8-0

BULQIZA-VELEÇIKU 0-15 (Në Kamzë)

LUZI 2008-ADA 4-1

ELBASANI-SHËNKOLLI 3-5 (Në Pezë)

KLOSI-INTERNACIONAL (Skuadra mike nuk u paraqit)

NESER:

MURLANI-ILIRIA

RENDITJA: Luzi 52 pikë, Veleçiku 50, Oriku 50, Gramshi 35, Murlani 31, Iliria 30, Shënkolli 25, Bulqiza 24, Ada 18, Klozi 12, Internacional Tirana 3.