Bashkia e Shkodrës ka marrë një tjetër vlerësim për performacën e saj. Lajmin e ka dhënë vetë kryetarja Voltana Ademi, përmes një publikimi në faqen e saj zyrtare në Facebook. Bashkia më e madhe në Veriun e vendit, është vlerësuar për “praktikën më të mirë në zbatimin e programit ReLOaD 2020, program i financuar nga Bashkimi Europian dhe i zbatuar përmes UNDP”. Në publikimin e saj, Ademi ka treguar edhe pesë kriteret mbi të cilat është bërë vlerësimi, duke shtuar se pas Shkodrës, renditet Bashkia e Tiranës.
PUBLIKIMI NË FACEBOOK I VOLTANA ADEMIT
Bashkia Shkodër- Best Practice Award ReLOaD 2020?
Bashkia Shkodër është vlerësuar Bashkia me praktikën më të mirë në zbatimin e programit ReLOaD 2020, program i financuar nga Bashkimi Europian dhe i zbatuar përmes UNDP.
Në krye të vlerësimit me 90 pikë, Bashkia Shkodër pasohet nga Bashkitë e Tiranës, Përmetit, etj.
Bashkia jonë është vlerësuar më e mira për zbatimin e programit për tre vitet e fundit duke përmbushur pesë kritere kryesore:
1️⃣ Alokimi i fondeve për organizatat e shoqërisë civile.
2️⃣ Përcaktimi i fushave prioritare dhe disponueshmëria gjatë thirrjeve publike.
3️⃣ Pjesëmarrja aktive gjatë vizitave monitoruese.
4️⃣ Kontributi financiar i bashkisë dhe pagesat e kryera në kohë.
5️⃣ Thirrjet publike të tjera që kanë përdorur metodologjinë LOD.
Programi ReLOaD nisi në vitin 2017 për të mbështetur demokratizimin dhe pjesëmarrjen aktive të shoqërisë civile në ofrimin e shërbimeve. Që nga nënshkrimi i marrëveshjes, një sërë aktivitetesh e projektesh janë realizuar me sukses në bashkëpunim të ngushtë me organizatat lokale partnere.
✅ Suksesi është i yni, i të gjithëve bashkë! Rruga jonë vazhdon!