Krahasimi tani e tutje: Nje koprac si Pique i Barcelones…e zbuloi dasma e Messi-t

Lionel Messi në fund të qershorit i dha fund beqarisë me Antonella Roccuzzo-n dhe për nga personazhet që morën pjesë ajo u cilësua si “dasma e shekullit”. Kjo edhe për shkakun e vetë futbollistit i cili renditet në listën e më të mirëve në botë. Ndër të veçantat e kësaj dasme ishte se Messi dhe Antonella i kishin “paralajmëruar” të ftuarit se nuk do të pranonin dhurata, por me dëshirën e tyre ata mund të kontribuonin për organizatën e “Ong Techo Argentina” e cila funksionon si fondacion bamirësie për njerëzit që preken për fatkeqësitë natyrore apo sëmundje. Sipas “Corriere della Serra” të ftuar ishin 250 personazhe dhe në fundin e dasmës u numëruan 11 mijë dollarë. Mesatarisht 37 euro për person. Duhet të kujtojmë se në dasmën e argjentinasit më të shumtë ishin të ftuar futbollistë dhe njerëz të “showbizit”, ndër të tjerë Neymar, Pique e Shakira.