Këshilli i Lartë i Drejtësisë ka nisur të kryejë lëvizjet e tij për hetimin e dosjes që dënoi me vetëm 3 vite burg Fadil Kasemin, vrasësin e ish bashkëshortes së tij Fildes Hafizi. KLD ka vendosur që të kryejë një hetim dhe inspektim në lidhje me vendimin që 3 gjyqtarë të Gjykatës së Kavajës kanë dhënë për vrasësin e Fildes Hafizit.
KLD ka sekuestruar dosjen që vendosi vetëm 3 vite burg për Fadil Kasemin në vitin 2015, teksa në janar të këtij viti, 53 vjeçari u lirua përmes një amnistie të fundvitit. Nën hetim janë 3 gjyqtarët Eda Kaja, Luan Lusha dhe Markelian Koçi. Në vitin 2015 Fadil Kasemi tentoi të vriste të shoqen me armë, por gjykata e dënoi vetëm për armëmbajtje pa leje.