“Kam firmosur kallzimin penal…”, falsifikimi i dokumenteve nga Kuvendi, Presidenti Meta hedh hapin e radhës…

Kreu i shtetit, Ilir Meta ka dalë sot në konferencë për mediat ku ka lajmeruar se “sot kam firmosur kallëzimin penal si President kundër strukturave funksionarëve përgjegjës në Kuvendin e Shqipërisë për veprat penale të kryera në bashkëpunim falsifikim dokumentesh”.

Kallezimi penal do depozitohet ne Prokurori dhe ne SPAK, informoi Presidenti Meta.


“Sapo ky kallëzim të depozitohet në Prokurorinë e Posacme dhe në Prokurorinë e rrethit gjyqësor Tiranë menjëherë do ta publikojmë të plotë në faqen zyrtarë të institucionit të Presidentit të Republikës”, tha kreu i shtetit.

Sipas Presidentit, “kjo është një padi shumë e rëndësishme se krimi i falsifikimit është shumë flagrant e ndodh për herë të parë në një seancë publike të Gjykatës Kushtetuese në një proces që ndodh për herë të parë në 30 vite kundër kreut të shtetit”.

Konferenca jo e zakonshme mbahet në një kohë kur Gjykata Kushtetuese pritet të shpallë nga dita në ditë vendimin për shkarkimin ose jo të kreut të shtetit.

Kushtetuesja më 7 shkurt, u tërhoq për vendim me një afat brenda 30 ditëve nga kjo datë.