Rrëzohet kërkesa e PD- së për përjashtimin e gjyqtarit Agron Zhukri, kërkoi heqjen e tij nga shqyrtimi të statutit të Komisionit të Rithemelimit

Gjykata ka rrëzuar kërkesa e Partisë Demokratike për përjashtimin e gjyqtarit Agron Zhukri, i cili do të shqyrtojë çështjen e statutit të Partisë Demokratike të Kuvendit të 11 Dhjetorit.

Zhukri është gjyqtari i përcaktuar me short, për të shqyrtuar çështjen e ndryshimeve të bëra në statutin e Partisë Demokratike në Kuvendin e thirrur nga ish-kryeministri Sali Berisha më datë 11 dhjetor.


Më herët Gjykata nuk e ka pranuar kërkesën e gjyqtarit Zhukri për t’u dorëhequr nga shqyrtimi i çështjes të statutit të Partisë Demokratike të Kuvendit të 11 Dhjetorit.

Gjyqtari refuzoi marrjen në shqyrtim të regjistrimit të statutit të PD-së nën argumentin se bashkëshortja e tij ka punuar me ish-kryeministrin Berisha dikur dhe se ndodhet në kushtet e konfliktit të interesit.

Nga ana tjetër sipas sqarimit të dhënë nga Gjykata e Tiranës, regjistrimi i statutit është një kërkesë që bëhet mbi ligjin për partitë politike, gjë që nuk e bën të papajtueshëm me funksionin ndaj nuk është pranuar dorëheqja.