Mund të ketë dijeni për ngjarjen dhe duhet të pyetet. Kjo është arsyeja se pse hetuesit kanë shpallur në kërkim Dervis Apapin. Nga ana tjetër, sipas verifikimeve në sistemin TIMS, ai ndodhet aktualisht në Itali. Hera e fundit që ka shkelur në tokën shqiptare, ka qenë nu muajin janar. 33- vjeçari, herën më të parë që të vijë në Shqipëri, duhet të paraqitet në polici për të dhënë informacione lidhur me ngjarjen e rëndë, ku në pritë poshtë shtëpisë së tij, humbi jetën Jurgen Kurti.
Grupi hetomor ka dyshime se “porosinë” për Kurtin mund ta kenë dhënë edhe pjesëtarë të familjes së Agim Arapit, ndaj edhe kërkohet dëshmia e të birit. Nisur nga precedenti i dy viteve më parë, kur Jurgen Kurti u dyshua si i përfshirë në vrasjen e tregtarit Agim Arapi, në Durrës, pista e parë e ngritur nga Policia ka qenë ajo e hakmarrjes.
Edhe pse pa ndonjë provë konkrete në këtë drejtim, Policia ka shoqëruar disa të afërm të Arapit, fillimisht si të dyshuar, por pasi janë marrë në pyetje, janë lënë sërish të lirë. Nga ana tjetër, burime nga grupi hetimor po verifikojnë edhe ndonjë konflikt të kohëve të fundit, ku mund të jetë përfshirë viktima. Për këtë arsye është sekuestruar dhe po verifikohet telefoni i 26-vjeçarit Kurti, që mund të shërbejë për hetimin.
Para se të ekzekutohej, para hyrjes së pallatit, nga të paktën 20 plumba të shkrepur drejt tij, Jurgen Kurti kishte qenë në një palestër që ndodhet fare pranë zonës ku ndodhi ngjarja. Ai ka dalë nga aty dhe ka lëvizur në këmbë drejt shtëpisë, ku ra në pritën e organizuar për eliminimin e tij.
Jurgen Kurti ka qenë duke ecur në trotuarin poshtë pallatit ku banon bashkë me të ëmën, kur drejt tij është qëlluar me breshëri dhe ka mbetur i vdekur në vend. Policia ka sekuestruar më shumë se 20 gëzhoja në vendin e ngjarjes, të cilat po analizohen në Laboratorin e Kriminalistikës.
PANORAMA
