Selami Jenishehri është aktualisht një ish- deputet i Kuvendit të Shqipërisë. Sipas gjasave, ai ka nisut qtë që konsiderohet “pagesë kalimtare” si ish- deputet, për të cilën ishte shprehur i kënaqur se do ta përfitonte edhe kur ishte i ulur në sallën e Kuvendit.
Edhe pse kryetar i Partisë Bashkimi Popullor i Pensionistëve, Jenishehri mesa duket nuk e ka mendjen aspak në zgjedhjet vendore të pjesshme të 6 marsit, ku votohet edhe në Bashkinë e Shkodrës ku ai banon.
Dihet se Jenishehri, para se të ulej në Kuvend, gjatë qendrimit atje dhe pas mbarimit të mandatit, ka qenë mjaft i interesuar për fatin e Vllaznisë. Ai ka bërë shumë publikime e madje ka dhënë edhe intervista për këtë temë.
Jenishehri jo vetëm është tifoz i Vllaznisë, por është vetëofruar edhe në detyrën e trajnerit të ekipit shkodran duke premtuar rezultate të prekshme për kuqeblutë në drejtimin e tij.
Ditën e sotme, Vllaznia ka luajtur me Flamurtarin në Vlorë, duke fituar e hedhur një hap drejt kualifikimit të mundshëm drejt gjysmëfinaleve. Por mesa duket, Jenishehri nuk është i kënaqur as me këtë rezultat.
Pakënaqësinë e ka shprehur me pak fjalë, por sigurisht mjaft “kuptimplote”, siç edhe zakonisht i thotë ai. “Brdariç ! Bashkë me Alban Xhaferin jeni e ZEZA E VLĹAZNISË.Te dy jeni xero ndaj nuk flet”, shkruan ish- deputeti i Shkodrës në rrjetet sociale.
Se çfarë ka dashur të thotë me këtë “sentencë” Jenishehri, nuk është e lehtë të deshifrohet. Por me siguri nuk ka lidhje me ndeshjen e sotme të Kupës së Shqipërisë. Mbase me paraqitjen e Vllaznisë në Superligë dhe drejtuesit e klubit kuqeblu, kanë detyrimin të reagojnë…menjëherë! /ShkodraWeb/
