Nga Taulant KOPLIKU
Prej vitesh tashme italianet jane ndare ne mes ne opinionet e tyre per refugjatet afrikane qe zbarkojne çdo dite ne brigjet e gadishullit apenin. Ka shume prej tyre qe moderojne qendrimin e tyre dhe e shohin si nje mundesi qe duhet ti jepet secilit qe mberrin ne “token e premtuar“, ashtu si nje shekull me pare bene paraardhesit e tyre qe emigruan ne Amerike. Nga ana tjeter jane ekstremistet te cilet nen shembullin e liderit te Lega Nord, Salvini, kerkojne te merren masa ekstreme per te penguar zbarkimet ne brigjet e te ashtuquajturit mare Nostrum.
Ne rrjetet sociale sheh çdo dite foto dhe video qe hedhin me zell te dyja palet per te justifikuar qendrimet qe ata mbajne. Por budallalleqet ne rrjet, nganjehere e kapercejne çdo lloj fantazie, behen virale dhe ne fund shkaktojne humor. Si ne rastin e djeshem ne Forte Dei Marmi, nje nga vendet me te shtrenjta ne Itali per te kaluar pushimet.
Ne nje stol jane te ulur dy njerez me ngjyre. Te veshur sportiv por me rroba firmato. Per ata njerez qe shohin ndonjehere televizor, keta dy fytyra jane te njohura. Keshtu edhe per njefare Marta Ecca. Ajo ben nje foto te dy personave ne stol dhe e publikon ne twitter duke e shoqeruar me tekstin: “Ne Forte Dei Marmi emigrantet rehatohen neper stolat e qendres, fale 35 eurove tona. Turp”. (Kosto ditore e shtetit Italian per nje emigrant eshte 35 euro). Ironia eshte e qarte. Tallje me gjuhen e rendomte qe perdoret çdo dite ndaj njerezve me ngjyre. Por ironine ne rrjetet sociale jo gjithmone e kuptojne te gjithe. Ky tweet behet menjehere viral. Shperndahet me qindra here jo vetem nga ata qe e kane kuptuar, por edhe nga budallenjte e rrjetit te cilet e kane “ngrene“ shakane e kesaj zonje. Keta te fundit, e shperndajne, kuptohet duke e shoqerua me komente ku shenjestrohen ashper politikat proemigracion te qeverise italiane. Paragjykimet ne rrjet jane nga me te ashprat, ndaj dy “emigranteve“ qe abuzojne me leket e italianeve.
Dje dhe sot, duke pare ate foto, me mijera italiane kane mallkuar shtetin e tyre, qe me taksat qe ata paguajne, vesh firmato dhe i lejon te bejne “bella vita“, refugjatet afrikane. Nderkohe qe me mijera te tjere, kane qeshur me idene qe Magic Johnson dhe Samuel L. Jackson po qendrojne keto dite ne Itali me 35 Euro ne dite, te paguara nga qeveria Gentiloni. Ironia e rrjetit.
