“Ilir Meta porositi Nuredin Dumanin, eliminoi kundërshtarin politik”, gazetari i njohur lëshon “bombën”…

Gazetari i njohur Artan Hoxha deklaroi në emisionin “Opinion” se në një nga dëshmitë e tij Nuredin Dumani ka thënë se Ilir Meta ka porositur largimin nga skena dhe jeta të vëllait të ish-deputetit të Partisë Socialiste Arben Ndoka.

Hoxha thotë se në dëshminë e tij thuhet se Dumanit i kishte thënë një person i përfshirë në ngjarje se Meta ka porositur që të eliminohej Aleksandër Ndoka në vitin 2017.


“Nuredin Dumani ka shkuar deri aty sa ka thënë që një nga 3 personat më të fuqishëm sot në vend politikanë kanë porositur eliminimin e vëllait e një deputeti. Porosia është kryer Këto jam dëshmi që duhen verifikuar. Unë kam rezerva.Bëhet fjalë për një ngjarje që ka ndodhur në vitin 2017 para fushatës elektorale në qarkun e Lezhës.

Pas fushatës atje ka ndodhur eliminimi i një përfaqësuesi politik të mazhorancës. Ka qenë edhe në këshillin bashkiak, është eliminuar. Por sipas Dumanit, kjo ngjarje është porositur nga një politikan i rëndësishëm.Pra ishte vëllai i një deputeti të PS-së. Nëse kjo del e vërtetë kjo është shumë e rëndë. Dumani thotë se Ilir Meta ka porositur eliminimin e vëllait të një deputeti në Lezhë”-deklaroi Hoxha.

Ngjarja-48-vjeçari në atë kohë, Aleksandër Ndoka ka qenë duke u kthyer në banesë në lagjen “Nënë Tereza” ose e njohur ndryshe “Kodër Marlekaj” në orët e para të mëngjesit, rreth orës 4:00 kur 2 ose më shumë persona ende të paidentifikuar të cilët i kishin zënë pritë e kanë realizuar ne sukses punën nga një distancë e largët.

Më pas autorët kanë pasur mundësi të largohen, duke qenë se rruga kryesore Lezhë-Tiranë është vetëm 100 metër larg nga banesa. Duket se kjo gjë i ka ndihmuar autorët të largohen shumë shpejt dhe pa rënë në sy të forcave të policisë.