Nga dita e nesërme 25 deri në 29 korrik temperaturat do të jenë më të ulëta se ditët që lamë pas. “Bazuar në parashikimin e fushës termike për ditët vijuese deri në fund të korrikut 2017, pritet që të vijojnë temperaturat e larta deri të hënën dt. 24 korrik 2017, ndërsa shkëputet vala e nxehtësisë për dt. 25 – 29 korrik”, njofton Meteoalb.
Vala e të nxehtit rikthehet ditët e fundit të korrikut për të qëndruar edhe në ditët e para të muajit gusht 2017. “Gjatë kësaj periudhe, pritet që Tirana të shënojë maksimalisht 38 – 38.5°C. Referuar vlerave normale të temperaturave të Tiranës për muajin korrik si dhe referuar korrikut shumë të nxehtë të vitit 2015, korriku 2017 parashikohet të përmbyllet mesatarisht me 3°C mbi temperaturën mesatare shumëvjeçare të Tiranës, por me 3 – 4°C me pak, se korriku 2015”, thuhet nga qendra e parashikimit të Meteoalb.
Për bashkëpunime, publikime reklamash, njoftimesh në ShkodraWeb, mund të shkruani në SMS, Whatsapp, Viber +355 67 300 20 70 ose mail: info@shkodraweb.com në çdo kohë!
