Maxhoranca po bën gjithshka,qe negociatat te mos hapen. Shkaterrimi i dialogut politik nga maxhoranca si baze dhe premise politike thelbesore e procesit te integrimit eshte goditja themelore kunder hapjes se negociatave. Kapja dhe cperfytyrimi i reformes ne drejtesi dhe vakumi i qellimshem ligjor deri ne eliminimin e gjykates kushtetuese dhe te larte jane momente kritike antiintegrim.
Thellimi i kriminalizimit te qeverisjes dhe rrembimi i saj nga trafikantet dhe oligarket,ka krijuar qartazi profilin e nje pushteti,qe e zhbën teresisht shtetin dhe e kthen ate ne zgjatim te krimit te organizuar, pra te nje qeverisje armike te integrimit dhe hapjes se negociatave. E korruptuar deri ne palce dhe nje vegel ne duart e oligarkeve,qe rrembejne e ndajne me te qindra miliona euro,kjo qeveri moster s’ka asgje te perbashket as me standartet e qeverisjes, as ato politike dhe as ato morale te BE duke krijuar nje bindje te forte negative ndaj vendit tone ne Europen politike dhe duke shtuar shume e me shume pengesat per hapjen e negociatave.
E strukturuar qarte mbi nje filozofi antiintegrim, kjo qeveri ka bere gjithshka qe te ndertoje alibine antieuropiane, qe sheh nga lindja,pasi atje mendon se mund te akomodoje shume me lehte interesat e erreta dhe parate e pista,qe trafiqet,krimi dhe korrupsioni kane prodhuar. I vetquajturi lobim i kryeministrit ishte thjesht nje tur provokativ,arrogant e irritues,qe i pengonte hapjen e negociatave dhe i hapte rrugen skenarit te erret prolindje.
Mbrojtja politike prej vitesh e inkriminimit te thelle te drejtimit politik te Ministrise se Brendeshme nga kryeministri dhe mbrojtja nga arrestimi i ish Ministrit te Brendshem jane goditja me e rende qe procesi i integrimit ka marre ne vite. Kryeministri dhe qeveria u vetperjashtuan qellimisht nga ky proces i integrimit europian ne funksion te strategjise se tyre qe sheh nga lindja duke u demostruar qarte si armiqte me te medhenj te hapjes ne negociatave. Hapja e negociatave do te ishte vertet lajmi me i keq per qeverine pasi do t’ja veshtirsonte shume skenarin e saj pro- lindje. /Nga Petrit VASILI, kryetar i GP të LSI/
