Gjen portofolin, perdor karten e kreditit duke terhequr 1 milion leke, ndalohet nga policia (emri)

Më datë 14.08.2017, nga shërbimet e Komisariatit të Policisë Shkodër pas një pune hetimore të mirëfilltë, u bë ndalimi i shtetasit: Muharrem Peti , 27 vjeç, banues në Dibër. Ndalimi i tij u bë pasi , ky shtetas më datë 11.08.2017, në vendin e quajtur shatervani Parrucë në Shkodër ka gjetur një çantë dore, brenda të cilës kishte 2 karta krediti si dhe një shumë monetare brenda, të cilat i përkisnin shtetasit R. B. 65 vjeç, banues në Shkodër, i cili ka bërë kallzim për humbjen e kësaj çante. Gjithashtu më datë 11.08.2017 dhe 12.08.2017, shtetasi Muharrem Peti , ka përdorur këto karta krediti duke tërhequr nga bankomati i një banke, shumën prej 100.000 lek të reja, shumë të cilën e ka shpenzuar duke luajtur në kazino. Materialet i kaluan Prokurorisë së Rrethit Gjyqësor Shkodër për vepren penale “Vjedhja”. /ShkodraWeb/