Gilman Lika “var këpucët në gozhdë”, topi i tij i fundit në një ndeshje zyrtare shënoi nisjen e Superligës në Shkodër

Gilman Lika i ka dhënë edhe zyrtarisht lamtumirën futbollit të luajtur. Ish-kapiteni i Vllaznisë, një nga emrat më të njohur të futbollit shkodran në dy dekadat e fundit, ka vendosur që ta mbyllë në moshën 34-vjeçare me futbollin e luajtur, pas një viti pushim ku nuk kishte gjetur një projekt që ta bindte për të vazhduar karrierën e tij.

Lika ka shkelmuar sot topin e parë në “Loro Boriçi” para sfidës mes Vllaznisë dhe Teutës, për të marrë edhe duartrokitjen mëse të merituar nga publiku shkodran që e kishte idhull për shumë vite, që kur debutoi me kuqeblutë në vitin 2004.


Përveç Vllaznisë, Lika është aktivizuar në karrierën e tij edhe me Haçetepe, Boluspor, Dibakirspor dhe Al Faisal, Flamurtarin dhe Tiranën. Ndërkohë, ai ka luajtur në 19 ndeshje me fanellën e përfaqësueses shqiptare A.