Mirel Josa e ka cilësuar shumë të rëndësishme fitoren e skuadrës së Vllaznisë ndaj Kukësit në transfertë. Por ai ka theksuar se tashmë pret që ekipi të konfirmohet në javën e ardhme, në duelin ndaj Tiranës.
“Normale që rezultati të kënaq, kur merr pikët në Kukës, por më tepër me mënyrën se si luajti skuadra. Por për më mirë në pjesën e parë dhe disa minuta në të dytën. Ishte ndeshje që u var nga episodet, se ne edhe para se të shënonim ishim superiorë në qarkullim dhe goditje të portë. Por të gjithë rastet nuk bëhen gola. Shënuam me Hakajn, skuadra ishte e përqendruar sot, nuk do të thotë se nuk ishte në ndeshjen e kaluar, por janë episodet që bëjnë diferencën. Se me rastin e fundit që humbi Kukësi në zonën tonë, me goditje me kokë apo nga e majta të Barbosës, edhe mund të barazonte ndeshjen. U fitua kjo e duhet të hedhim sytë nga ndeshja tjetër.
Garanci është mënyra se si futet skuadra në lojë, si kërkon rezultatin. Të shohim, se garancia vërtetohet nga ndeshja e ardhshme.
Unë punë quaj javën pasardhëse dhe fitorja e sotshme ne na dha qetësi që të punojmë në javën e Tiranës. Kështu që mund të them se skuadra në ndryshim me ndeshjet e tjera, më dha një shprehje tjetër loje. Edhe lojtarët të cilët kanë qenë të dëmtuar dhe sot jam duke rritur gjendjen e tyre gradualisht.
Është shumë e rëndësishme fitorja e sotme, ndaj e thashë që garancinë e kërkoj te dyluftimet në mesfushë. Qarkullimi i topit është diçka tjetër që sot skuadra edhe me mënyrën se si sulmonim me Jonuzin e Alivodën, i mbështetën lëvizjet e Aralicës. Sot bëmë edhe një ndryshim që futëm Aralicën në vend të Hoxhajt, sepse mori ngarkesë ndaj Erzenit dhe bëmë këtë zgjedhje. Puna është që ne tani të minimizojmë më tepër gabimet se ndeshja mund të mbaronte edhe barazim. Për faktin se edhe Kukësi humbi dy raste të pastra. Nuk kam çfarë të them, janë episode loje të cilat ne duhet të jemi shumë të kujdesshëm. Janë topa të gjatë dhe markimi i Barbosa janë probleme që na dolën”, deklaroi për “Oversport” Josa pas përfundimit të duelit.
