
Shkruan në Facebook Luigj Mila, drejtues i Projektit Shpresa: Kjo Zonjë, quhet Roza Topalli Daka. Edhe pse duket e re nga pamja, i ka disa vite mbi shpatulla, vite të mbushura me punë, përpjekje dhe sakrifica.
Edhe pse fati nuk i ka buzëqesh gjithmonë e për gjithçka, ajo përsëri ia ka dalë ti dhurojë shumë buzëqeshje dhe lumturi, jo vetëm tri princeshave të sajë të bukura dhe mbretit të saj të hijshëm, por edhe qindra e mijëra pjesëmarrësve të kampit veror të Velipojës të Projektit Shpresa ku ajo punon, po thuaj tash tridhjetë vite, vullnetarisht si shefe kuzhine.
Dëshira e madhe që kanë pjesëmarrësit për tu kthye e rikthye në kamp, lidhet edhe me punën e mrekullueshme që ajo ban.
Ne sot duam me gjithë zemër ta falënderojmë Rozën për punën dhe kontributin e saj dhe t’i urojmë jetë të gjatë të shëndetshme e të lumtur.
Për bashkëpunime, publikime reklamash, njoftimesh në ShkodraWeb, mund të shkruani në SMS, Whatsapp, Viber +355 67 300 20 70 ose mail: info@shkodraweb.com në çdo kohë!