Gjatë protestës së sotme, ka marrë flakë edhe një makinë e parkuar pranë hyrjes së Kuvendit. Fillimisht u deklarua se ishte makina e një qytetari, i cili e ka parkuar në rrugë pasi nuk mund të kalonte dot nga protestuesit. Në vijim, makinës i është vëna flaka nga një protestues. Zjarrëfikëset e kanë shuar, pasi makina është shkrumbuar. Nga verifikimet e bëra, rezlton se targat e makinës tip Fiat, janë në pronësi të një kuzhinieri. Ndërkohë, më parë doli një informacion tjetër, sipas të cilit targat e makinës Fiat, i përkasin një mjeti Volkswagen Caddy në Durrës. Por ajo që është gati e konfirmuar është se brenda makinës Fiat, në pronësi të një kuzhinieri, janë gjetur veshje policore. Gjithsesi, kjo mbetet për tu verifikuar por nuk mund të anashkalohet se makina është përdorur nga forca policore operacionale për të vëzhguar protestën nga afër.
