Mbeturinat janë kthyer në një shqetësim mjaft serioz për banorët në lagjen më të re të qytetit të Lezhës. Një qytetar ka denoncuar këtë fenomen pranë redaksisë së ShkodraWeb, ku tregon se pallati që ai e quan “Ndue Pali”, në të cilin ai banon është kthyer në një vend plot plehra, ku nuk mund të jetohet.
Qytetari përmes fotove dhe videos tregon se plehrat dhe fekalet kanë plasur rreth e rrotull pallatit dhe askush nuk merr asnjë masë për të kryer kanalizim apo pastrim për shkak të një konflikti mes pronarëve të pallatit, ndërsa shton se për këtë gjë nuk asnjë proces gjyqësor të hapur.
Më tej lexoni shqetësimin e qytetarit dhe banorit të Lezhës.
“Përshëndetje! Jam një banor i pallatit “Ndue Palit”. Kemi disa vite që sorollatemi nëpër bashkinë e qytetit të Lezhës, ndërrojnë 3 kryetar bashkie dhe e njëjta situatë. Kati i parë i pallatit që po iu dërgoj me foto në maps është një panoramë shumë e pa hije për ne si banorë dhe për bashkinë e qytetit pasi, bunkjerët e Enver Hoxhës gjenden në trotuare, ku Policia Bashkiake gjobit maikna dhe për këto zaptime pronash publike me hipotekë, certifikate pronësie nuk merr asnjë masë, akoma si në vitet 1997, kur një person i vetëm terrorizon me zaptim një pallat për konfliktin mes pronarëve të pallatit dhe nuk ka asnjë porces të hapur gjyqësor.
Ju lutem merrni masa sepse mbeturinat dhe fekalet kanë plasur rreth e rrotull pallatitt dhe asnjë nuk guxon të bëjë një kanalizim apo pastrim pasi pretendenti në fjalë pa asnjë letër përkatëse i ushtron presion të gjithë organeve kompetente”, shkruan qytetari.
