Ish-kryeministri Sali Berisha ka publikuar foton e të riut Lear Kurti në shtratin e spitalit të Traumës pas shoqërimit në komisariat, kur 32-vjeçari kishte humbur ndjenjat.
Ai shihet i shtrirë pa ndjenja teksa në njërën nga duart ka ende të vendosur prangat. Berisha shprehet se në foto duken edhe hematomat e shkaktuara goditjet nga ana e uniformave blu.
Berisha akuzon policinë se pasi i mori jetën 32-vjeçarit e mbajti atë të lidhura me hekura.
“Xhelatët që i morën jetën edhe të vdekur e mbajtën të lidhur me hekura Learin! Në foto duken dhe hematomat nga goditjet! Sb”, shkruan Berisha.
Ndërkohë, Berisha në një tjetër publikim në Facebook ka ftuar qytetarët në një protestë përballë Ministrisë së Brendshme.
“Sot, në ora 18:00, protestë e fuqishme për vdekjen me dhunë të të riut, Lear Kurtit nga policë banditë të droguar të Ramës-Çuçit, dhe vrasjen e tij për së dyti nga krimineli i tyre me uniformë, Ardi Veliu. sb”.
