Takimi i kërkuar nga krerët e partive të qendrës së djathtë, Mediu, Duka, Shehi, Ndoka dhe Dule, ka për qëllim inicimin e një tryezë të gjerë nga kreu i shtetit, ku të marrin pjesë të gjithë aktorët politikë.
Platformën e prezantuar për marrëveshje kushtetuese, partitë e qendrës së djathtë do t’ia paraqesin edhe Presidentit Meta për të gjetur një konsensus të gjerë në funksion të zgjidhjes së krizës politike.
Takimi nis në orën 11:00, ku Meta pret partitë e opozitës që nuk janë regjistruar në zgjedhjet vendore. Keta te fundit, kane deklaruar se do t’i bejne të qartë se me Edi Ramën Kryeministër, proces zgjedhor nuk do të ketë.
Pasditen e së hënës, kryetari i PD-së zhvilloi një takim me krerët e partive të qendrës së djathtë, ku diskutoi lidhur me vazhdimësinë e aksionit opozitar.
Kreu i PBDNJ-së, Vangjel Dule, theksoi pas takimit, se zgjedhje vendore vetëm me një palë pjesëmarrëse nuk do të ketë, prandaj i bëri thirrje Kryeministrit të heqë dorë nga arroganca.
“Do t’i paraqesim platformën tonë, që përbën një bazë të mirë për të nisur përpjekjen e të gjitha palëve për konsensusin e domosdoshëm, që kërkon realiteti ynë. Zgjedhje me një palë nuk duhet, nuk mund dhe nuk do të ketë. Arroganca, prepotenca e zotit Rama nuk i shërben këtij objektivi”, tha Dule.
