![](https://www.shkodraweb.com/wp-content/uploads/2022/11/ana-bushgjokaj-lulebore.jpg?x28643)
Festivali “Luleborë” ka ulur siparin edhe për këtë vit. Triumfi i çmimit të parë i ka buzëqeshur Ana Bushgjokaj, një emër jo shumë i njohur i muzikës shkodrane e më gjërë.
Kënga fituese ishte “Zemra kërkon zemrën”, e cila trajtonte një temë mjaft prekëse, atë të personave që jeta nuk u ka bërë të mundur të njohin nënën e vet.
Ishte një krijim me emocione të forta, të cilat u perjetuan edhe nga shumë të pranishëm në sallën e Teatrit “Migjeni”, ku eventi ngjalli interes megjithë motin e rënduar nga reshjet e shiut.
Kënga fituese “Zemra kërkon zemrën” ishte një kombinim i gjetur i tekstit me autor Arben Bushgjokaj- babai i interpretueses, muzikës dhe interpretimit, një harmoni që i dhe edhe çmimin e parë këngëtares Ana Bushgjokaj.